Yevropa Chempionati—2020 saralash bosqichining 10-turidan o‘rin olgan 18-noyabr, dushanba kunidagi uchrashuvlar o‘z yakuniga yetdi.
Ispaniya terma jamoasi o‘z maydonida Ruminiyani qabul qildi. Ushbu bahsda ispanlar mehmonlar darvozasiga javobsiz beshta to‘p kiritishga erishdi. Uchrashuvda Xerar Moreno dublga erishgan bo‘lsa, Fabian Ruis, Mikel Oyarsabal bir martadan ruminlar darvozasini ishg‘ol qildi. Daniya safarda Irlandiya bilan durang o‘ynadi va Yevro—2020 yo‘llanmasiga ega chiqdi.
Shvetsiya terma jamoasi Farer orollariga qarshi bahsda yirik hisobda zafar quchdi. Shveysariya esa Gibraltar maydonida oltita gol urishga erishdi. Mazkur g‘alaba shveysariyaliklarga musobaqa yo‘llanmasini taqdim etdi.
Birinchilardan bo‘lib Yevroga masalasini hal qilib qo‘ygan Italiya o‘z uyida Armanistonni qabul qilib, 9:1 hisobida g‘alabaga erishdi. Uchrashuvda Chiro Immobile va Nikolo Zaniolo dubl qayd etgan bo‘lsa, Nikolo Barella, Alessio Romanyoli, Jorjinio, Rikardo Orsolini va Federiko Kyeza bittadan to‘p kiritdi. Armanlarning yagona javob goliga Edgar Babayan muallif bo‘ldi.
Yevro—2020 saralashi
10-tur bahslari
19-noyabr, dushanba
Irlandiya — Daniya 1:1
Gollar: 0:1 – 73 Breytueyt, 1:1 – 85 Doerti.Ispaniya — Ruminiya 5:0
Gollar: 1:0 – 8 Fabian Ruis, 2:0 – 33 Xerar Moreno, 3:0 – 43 Xerar Moreno, 4:0 – 45, avtogol Rus, 5:0 – 90 Oyarsabal.Shvetsiya — Farer 3:0
Gollar: 1:0 – 29 Andersson, 2:0 – 72 Svanberg, 3:0 – 80 Gvidetti.Gibraltar — Shveysariya 1:6
Gollar: 0:1 – 10 Itten, 0:2 – 50 Vargas, 0:3 – 57 Fassnaxt, 1:3 – 74 Staych, 1:4 – 75 Benito, 1:5 – 84 Itten, 1:6 – 86 Jaka.Italiya — Armaniston 9:1
Gollar: 1:0 – 8 Immobile, 2:0 – 9 Zaniolo, 3:0 – 29 Barella, 4:0 – 33 Immobile, 5:0 – 64 Zaniolo, 6:0 – 72 Romanoli, 7:0 – 75, penalti Jorjinyo, 8:0 – 77 Orsolini, 8:1 – 79 Babayan, 9:1 – 81 Kyeza.Lixtenshteyn — Bosniya va Gersegovina 0:3
Gollar: 0:1 – 57 Chivich, 0:2 – 64 Xojich, 0:3 – 72 Xojich.Gretsiya — Finlyandiya 2:1
Gollar: 0:1 – 27 Pukki, 1:1 – 47 Mantalos, 2:1 – 70 Galanopulos.Malta — Norvegiya 1:2
Gollar: 0:1 – 7 King, 1:1 – 40 Fenek, 1:2 – 62 Serlot.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)