Европа Чемпионати—2020 саралаш босқичининг 10-туридан ўрин олган 18 ноябрь, душанба кунидаги учрашувлар ўз якунига етди.
Испания терма жамоаси ўз майдонида Руминияни қабул қилди. Ушбу баҳсда испанлар меҳмонлар дарвозасига жавобсиз бешта тўп киритишга эришди. Учрашувда Херар Морено дублга эришган бўлса, Фабиан Руис, Микель Ойарсабаль бир мартадан руминлар дарвозасини ишғол қилди. Дания сафарда Ирландия билан дуранг ўйнади ва Евро—2020 йўлланмасига эга чиқди.
Швеция терма жамоаси Фарер оролларига қарши баҳсда йирик ҳисобда зафар қучди. Швейцария эса Гибралтар майдонида олтита гол уришга эришди. Мазкур ғалаба швейсарияликларга мусобақа йўлланмасини тақдим этди.
Биринчилардан бўлиб Еврога масаласини ҳал қилиб қўйган Италия ўз уйида Арманистонни қабул қилиб, 9:1 ҳисобида ғалабага эришди. Учрашувда Чиро Иммобиле ва Николо Заниоло дубль қайд этган бўлса, Николо Барелла, Алессио Романьоли, Жоржиньо, Рикардо Орсолини ва Федерико Кьеза биттадан тўп киритди. Арманларнинг ягона жавоб голига Эдгар Бабаян муаллиф бўлди.
Евро—2020 саралаши
10-тур баҳслари
19 ноябрь, душанба
Ирландия — Дания 1:1
Голлар: 0:1 – 73 Брэйтуэйт, 1:1 – 85 Доэрти.Испания — Руминия 5:0
Голлар: 1:0 – 8 Фабиан Руис, 2:0 – 33 Херар Морено, 3:0 – 43 Херар Морено, 4:0 – 45, автогол Рус, 5:0 – 90 Ойарсабаль.Швеция — Фарер 3:0
Голлар: 1:0 – 29 Андерссон, 2:0 – 72 Сванберг, 3:0 – 80 Гвидетти.Гибралтар — Швейцария 1:6
Голлар: 0:1 – 10 Иттен, 0:2 – 50 Варгас, 0:3 – 57 Фасснахт, 1:3 – 74 Стайч, 1:4 – 75 Бенито, 1:5 – 84 Иттен, 1:6 – 86 Жака.Италия — Арманистон 9:1
Голлар: 1:0 – 8 Иммобиле, 2:0 – 9 Заниоло, 3:0 – 29 Барелла, 4:0 – 33 Иммобиле, 5:0 – 64 Заниоло, 6:0 – 72 Романоли, 7:0 – 75, пенальти Жоржиньо, 8:0 – 77 Орсолини, 8:1 – 79 Бабаян, 9:1 – 81 Кьеза.Лихтенштейн — Босния ва Герсеговина 0:3
Голлар: 0:1 – 57 Чивич, 0:2 – 64 Хожич, 0:3 – 72 Хожич.Греция — Финляндия 2:1
Голлар: 0:1 – 27 Пукки, 1:1 – 47 Манталос, 2:1 – 70 Галанопулос.Мальта — Норвегия 1:2
Голлар: 0:1 – 7 Кинг, 1:1 – 40 Фенек, 1:2 – 62 Серлот.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)