O‘zbekiston olimpiya terma jamoasi Birlashgan Arab Amirliklarining Dubay shahrida bo‘lib o‘tayotgan Dubai Cup—U23 xalqaro musobaqadagi ishtirokini davom ettirmoqda.
15-noyabr, juma kuni Lyubinko Drulovich shogirdlari Iordaniya olimpiyachilariga qarshi bahs olib bordi.
Uchrashuvning 40-daqiqasida Jasur Yaxshiboyev penaltini golga aylantirgan bo‘lsa, ikkinchi bo‘lim debyutida iordaniyaliklar Muhammad Isom Saidning aniq zarbasidan so‘ng hisobni tenglashtirdi.
Shu tariqa O‘zbekiston olimpiya terma jamoasi ketma-ket ikkinchi o‘yinda durang qayd etdi. Ilk turda jamoa Iroqni yenga olmagan edi.
Dubai Cup—U23
2-tur bahsi
15-noyabr, juma
O‘zbekiston — Iordaniya 1:1
Gollar: 1:0 — Jasur Yaxshiboyev, 1:1 — 53 Muhammad Isom SaidYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)