Ҳимояни бошқариш маркази 14 ноябрь куни мутасаддилари қарийб 2 миллион нафар суриялик қочоқларнинг ўз уйларига қайтганини маълум қилди, деб ёзмоқда «Известия».
«Амалга оширилган ишлар натижасида бугунгача жами 1 999 848 нафар суриялик фуқаро, жумладан 1 304 919 нафар мамлакат ҳудудидаги ва 694 929 нафар хориждаги қочоқлар ўз уйларига қайтди», — дейилади Марказ хабарида.
Шунингдек, баёнотда 2018 йил 18 июлдан бери жами 32 372 мингта ижтимоий аҳамиятга эга бўлган саноат ва ишлаб чиқариш объектларининг қуриб, фойдаланишга топширилгани ва қайта таъмирлангани қайд этилган.Урушдан талофат кўрган ҳудудларга ижтимоий ёрдамлар кўрсатилиши давом этмоқда. Россия ҳарбийлари Айн-Иса шаҳри аҳолиси учун жами 15 тонна озиқ-овқат маҳсулотлари етказиб берган.
Сурия маҳаллий ва ўз-ўзини бошқариш органлари вазири Ҳусайн Махлуф ноябрь бошидан бери уйларини тарк этган 12 414 нафр фуқаро яна қайтиб келганини билдирган. У ортга қайтган қочоқларни қабул қилиш ва уларга тегишли кўмак беришга юқори малакага эга мутахассислар жалб қилинганини таъкидлаган.
Изоҳ (0)