Rossiya ijtimoiy tarmoqlardagi trollinglar yordamida Chilidagi vaziyatga ta’sir o‘tkazishga urinmoqda. Bu haqda AQSh Davlat departamenti vakili ma’lum qildi, deya xabar beradi “Kommersant”.
Davlat departamenti vakiliga ko‘ra, Qo‘shma Shtatlar “ayrim shaxslar Chilidagi tartibsizliklardan foydalanib, ijtimoiy tarmoqlar yordamida va trollingni suiste’mol qilish evaziga vaziyatni buzib ko‘rsatgani”ni qayd etgan.
“Biz Rossiyaning Chilida vaziyat izdan chiqishini qo‘llab-quvvatlashdagi faolligi alomatlarini ko‘ryapmiz”, — deyiladi bayonotda.
Aytilishicha, chetdan aralashuv Chilida tang vaziyat yuzaga kelishining yagona sababi emas, biroq Rossiya kelishmovchiliklarni chuqurlashtirish, mojaroni avj oldirish, shuningdek, demokratik bahslar bo‘lib o‘tishiga to‘sqinlik qilishga urinmoqda.
Mavzuga doir:
- Chili prezidenti mamlakatda yuz berayotgan tartibsizliklarni urush bilan qiyosladi
- Chili prezidenti ijtimoiy islohotlar amalga oshirilishini e’lon qildi
- Chilida namoyishga chiqqanlar soni millionga yaqinlashdi
- Chili prezidenti mamlakatni qamrab olgan namoyishlar tufayli hukumat iste’foga chiqishini ma’lum qildi
Izoh (0)