Toshkent viloyatining 5 ta tumanida ta’mirlash ishlari sabab gaz ta’minoti vaqtincha to‘xtatiladi

Respublikada aholiga tabiiy gaz yetkazib berish jarayonini samarali ishlashini tashkil etish, kuz—qish mavsumida gaz ta’minotidagi uzilishlarni oldini olish maqsadida, gaz taqsimlash nuqtalari, quvurlari va hisoblagichlarni ta’mirlash-nazorat ishlari olib borilmoqda. Mazkur ta’mirlash-nazorat ishlarini texnika xavfsizligi qoidalariga ko‘ra o‘tkazilishini ta’minlash maqsadida iste’molchilarga gaz yetkazish vaqtincha to‘xtatiladi. Bu haqda “Hududgazta’minot” AJ matbuot xizmati xabar berdi.

Xususan, 29-oktabr kuni

• Toshkent, Zangiota va Qibray tumanlari hududidagi jami 46 328 ta aholi xonadonlarida soat 08:00 dan 17:00 gacha,
• Oqqo‘rg‘on tumani hududidagi jami 1100 ta aholi xonadonlarida soat 10:00 dan 17:00 ga qadar,

• Piskent tumani “Furqat” massivi hududidagi 6-ko‘p qavatli uydagi jami 16 ta aholi xonadonlarida soat 09:00 dan 17:00 gacha tabiiy gaz ta’minoti vaqtincha to‘xtatiladi.