Farg‘ona viloyati Qo‘qon shahrida 28-oktabr, dushanba kuni is gazidan zaharlanish oqibatida bir oilaning uch nafar a’zosi halok bo‘ldi. Bu haqda Favqulodda vaziyatlar vazirligi xabar berdi.
Ma’lum qilinishicha, shaharning Turkiston ko‘chasida joylashgan ko‘p qavatli uydagi kvatirada yuz bergan hodisaga issiqlik qozonining dudbo‘ronidagi nosozlik sabab bo‘lgan. Aniqlanishicha, dudbo‘ron va qozon orasi ochilib qolgan.
Eslatib o‘tamiz, o‘tgan haftada Xorazm viloyatida is gazidan zaharlanish oqibatida bir oilaning to‘rt nafar a’zosi halok bo‘lgan edi.
Izoh (0)