Tashqi ishlar vazirligi Orenburg viloyatidagi temir yo‘l yaqinida hushsiz holatda topilib, 21-oktabr kuni shifoxonada vafot etgan o‘zbekistonlik J.R. to‘g‘risida ma’lumot berdi.
Qayd qilinishicha, O‘zbekistonning Qozon shahridagi Bosh konsulxonasi ushbu vaziyatni nazoratga olib, J.R. Sol-Iletsk shahri markaziy shifoxonasiga joylashtirganini ma’lum qilgan. Biroq, 21-oktabr kuni J.R. ushbu tibbiyot muassasasida vafot etgan.
Marhumning yaqinlariga konsullik-huquqiy va tashkiliy masalalarni hal qilishda yordam ko‘rsatilgan. 25 oktabr, juma kuni J.R.ning jasadi O‘zbekiston Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan O‘zbekistonga yuborilgan.
Ushbu holat yuzasidan jinoiy ish qo‘zg‘atilgan.
Izoh (0)