Hukumat qarori bilan 2019—2021-yillarda Internet jahon axboroti tarmog‘ida milliy kontentni yanada rivojlantirish bo‘yicha kompleks dastur tasdiqlandi. Bu haqda Adliya vazirligining “Huquqiy axborot” Telegram kanali xabar berdi.
Dastur milliy veb-resurslar sonining o‘sishi, ularni Internet tarmog‘ida ilgari surish va ommalashtirish uchun sharoit yaratish kabi qator masalalarni nazarda tutadi.
Dasturga muvofiq, maktablarda “Informatika” fani dasturi va o‘qitish metodologiyasi ilg‘or xorijiy tajribani inobatga olgan holda qayta ko‘rib chiqiladi.
Shuningdek, O‘zbekiston Milliy kino fondi veb-sayti hamda Milliy filmlar veb-portali yaratiladi.
Dasturga ko‘ra, Wikipedia internet ensiklopediyasiga O‘zbekistonning mashhur sportchilari va sport tashkilotlari faoliyati to‘g‘risida ma’lumotlar joylashtiriladi.
Internet tarmog‘ining Uz domenida foydali ta’limiy-ma’rifiy va mavzuli veb-resurslarni yaratuvchi mualliflar va dasturchilarni rag‘batlantirish maqsadida bolalar va o‘smirlar uchun yaratilgan internet-loyihalar respublika tanlovi o‘tkaziladi.
Izoh (0)