Futbol bo‘yicha O‘zbekiston Superligasining 22-turi doirasida 19-oktabr, shanba kuni 4 ta o‘yin o‘z nihoyasiga yetdi.
Namanganning “Navbahor” klubi mehmonda Termizning “Surxon” jamoasi bilan bellashdi.
Uchrashuvda darvozalar daxlsizligi saqlanib qolindi va jamoalar bir ochkodan bo‘lishib oldi.
Ma’lumot uchun, “Navbahor” 30 ochko jamg‘argan holda musobaqa jadvalida 7-o‘rinni egallab turibdi. “Surxon” esa 32 ochko bilan 5-o‘rinda bormoqda.
Shu kuni Samvel Babayan qo‘l ostidagi Toshkentning “Lokomotiv” klubi o‘z maydonida “Buxoro” bilan bahsga kirishdi.
Bellashuvda “temiryo‘lchilar” vakillari Oleg Zoteyev (63) hamda Diyor Turopov (90) o‘z nomiga bittadan golni rasmiylashtirib qo‘ydi.
Shu tariqa “Lokomotiv” “Buxoro” darvozasiga javobsiz 2 ta gol urib, g‘alaba qozondi.
Ushbu g‘alabadan so‘ng musobaqa jadvalida 2-o‘rinda borayotgan “Lokomotiv” ochkolari sonini 41 taga yetkazib oldi. “Buxoro” esa 19 ochko to‘plab 13-o‘rinni band qilib turibdi.
Muddatidan oldin chempionga aylangan Shota Arveladze boshqaruvidagi “Paxtakor” esa safarda Samarqandning “Dinamo”sini sinovdan o‘tkazdi.
O‘yin davomida Samarqand klubi yarim himoyachisi Bobur Qosimov (28) tomonidan urilgan golga “sherlar” Igor Sergeyev (45), Sardor Sobirxo‘jayev (45+2) va Dostonbek Hamdamov (82)ning gollari bilan javob qaytardi.
Natijada “Paxtakor” mehmonda kechgan bahsda “Dinamo”ni yirik 4:1 hisobida mag‘lubiyatga uchratdi va navbatdagi 3 ochkoga ega bo‘ldi.
Qayd etish joiz, musobaqa jadvalida yetakchilik qilayotgan “Paxtakor”ning ochkosi 62 taga yetdi. So‘nggi o‘rindagi “Dinamo” esa 18 ochko yig‘gan.
Ro‘ziqul Berdiyev boshchiligidagi Qarshining “Nasaf” jamoasi o‘z uyida “Andijon”ni qabul qildi.
Bahsning 13 va 65-daqiqalarida “Nasaf” hujumchisi Humoyun Murtazoyev raqib darvozasini ikki bor ishg‘ol qilib dublga erishgan bo‘lsa, Oybek Bozorov o‘yinning 90+1-daqiqasida hisobni 3:0 ko‘rinishiga olib keldi.
Uchrashuv yakuniga ko‘ra, “Nasaf” o‘z maydonida kechgan bahsda “Andijon”ni 3:0 hisobida mag‘lub etib, 3 ochkoni qo‘lga kiritdi.
Ta’kidlash joiz, “Nasaf” 31 ochko yig‘ib, musobaqa jadvalida 6-o‘rinni egallab turibdi. “Andijon” esa 23 ochko bilan 10-o‘rindan joy olgan.
22-turdan so‘ng musobaqa jadvalidagi holat:
Superliga
22-tur bahslari
19-oktabr, shanba
“Surxon”—“Navbahor” 0:0
“Lokomotiv”—“Buxoro” 2:0
Gollar: 1:0 — 63 Oleg Zoteyev, 2:0 — 90 Diyor Turopov“Dinamo”—“Paxtakor” 1:4
Gollar: 1:0 — 28 Bobur Qosimov, 1:1 — 45 Igor Sergeyev, 1:2 — 45+2 Sardor Sobirxo‘jayev, 1:3 — 75 Dostonbek Hamdamov, 1:4 — 82 Dostonbek Hamdamov“Nasaf”—“Andijon” 3:0
Gollar: 1:0 — 13 Humoyun Murtazoyev, 2:0 — 65 Humoyun Mutazoyev, 3:0 — 90+1 Oybek BozorovYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)