Hindistonning Karnataka shtatida leopard mahalliy aholiga hujum qildi, deb xabar beradi The Hindu.
Hujum Tumakuru okrugida, 60 yoshli ayol dalada mol boqayotganida sodir bo‘lgan. Uning jasadi ertasi kuni butalar orasidan topilgan. Politsiyaning taxminicha, yirtqich uni kechga yaqin o‘ldirgan.
Bundan ikki oy oldin ham aynan shu okrugda quduqqa tushib ketgan leopard qutqarilgan edi. Yirtqich 10 metr chuqurlikdan chiqarib olinib, yana o‘rmonga qo‘yib yuborilgan.
Joriy yilning yanvar oyi oxirida Hindistonda odamxo‘r leopard bir oilaning to‘rt oylik farzandini o‘g‘irlab ketib, g‘ajib tashlagani haqida xabarlar tarqalgan edi.
Izoh (0)