Joriy yilning 8 oyi davomida import mahsulotlarini sertifikatlashtirish jarayonida qiymati jami 2,9 milliard so‘mlik 14 turdagi mahsulotning 20 holat yuzasidan me’yorlarga nomuvofiqligi aniqlandi, deb xabar bermoqda Spot.
Bu haqda 15-oktabr, seshanba kuni “O‘zstandart” agentligi Axborot va ommaviy kommunikatsiyalar agentligida bo‘lib o‘tgan matbuot anjumanida ma’lum qilgan.
Mavzuga doir: O‘zbekistonda 2019-yilda salkam 3 mlrd so‘mlik import mahsulotining talabga javob bermasligi aniqlandi
2019-yilda, shuningdek, Xitoydan keltirilgan o‘yinchoqlar, Rossiyadan keltirilgan sirka, Qirg‘izistondan keltirilgan tomat ketchupi, Gruziyadan keltirilgan “Borjomi” mineral suvi, Kanadadan keltirilgan tovuq sosiskalari belgilangan talablarga javob bermasligi aniqlangan.
Agentlik vakillarining ta’kidlashicha, “Borjomi” suvi bilan bog‘liq holatda uning minerallanganlik (K, Na) va perganmagatning oksidlanish darajasi standart talablariga javob bermaydi.
Shuningdek, qo‘shimcha qilinishicha, mahalliy mahsulotlar orasida ham, xususan, bolalar poyafzali, bolalar o‘yinchoqlari, kolbasa, pishloqlar va muzqaymoqlar orasida nomuvofiqlik holatlari ko‘p uchraydi.
Hozirda mahsulotlarning bojxona postiga kelishidan oldin ularning muvofiqligini baholash tartibi ishlab chiqilmoqda.
Izoh (0)