Жорий йилнинг 8 ойи давомида импорт маҳсулотларини сертификатлаштириш жараёнида қиймати жами 2,9 миллиард сўмлик 14 турдаги маҳсулотнинг 20 ҳолат юзасидан меъёрларга номувофиқлиги аниқланди, деб хабар бермоқда Spot.
Бу ҳақда 15 октябрь, сешанба куни «Ўзстандарт» агентлиги Ахборот ва оммавий коммуникациялар агентлигида бўлиб ўтган матбуот анжуманида маълум қилган.
Мавзуга доир: Ўзбекистонда 2019 йилда салкам 3 млрд сўмлик импорт маҳсулотининг талабга жавоб бермаслиги аниқланди
2019 йилда, шунингдек, Хитойдан келтирилган ўйинчоқлар, Россиядан келтирилган сирка, Қирғизистондан келтирилган томат кетчупи, Грузиядан келтирилган «Боржоми» минерал суви, Канададан келтирилган товуқ сосискалари белгиланган талабларга жавоб бермаслиги аниқланган.
Агентлик вакилларининг таъкидлашича, «Боржоми» суви билан боғлиқ ҳолатда унинг минералланганлик (K, Nа) ва перганмагатнинг оксидланиш даражаси стандарт талабларига жавоб бермайди.
Шунингдек, қўшимча қилинишича, маҳаллий маҳсулотлар орасида ҳам, хусусан, болалар пояфзали, болалар ўйинчоқлари, колбаса, пишлоқлар ва музқаймоқлар орасида номувофиқлик ҳолатлари кўп учрайди.
Ҳозирда маҳсулотларнинг божхона постига келишидан олдин уларнинг мувофиқлигини баҳолаш тартиби ишлаб чиқилмоқда.
Изоҳ (0)