Xalq ta’limi vazirligi g‘oyalar portalini ishga tushirdi. Vazirlik matbuot xizmatining xabar berishicha, mazkur portal orqali xalq ta’limi sohasini rivojlantirishga oid g‘oya va takliflarni to‘g‘ridan-to‘g‘ri vazirlikning maxsus ishchi guruhiga yuborish mumkin.
G‘oya va takliflarni yuborish uchun: www.idea.itsm.uz saytiga kirib, “G‘oyangizni yo‘llang!” tugmasini bosib, quyida ko‘rsatilgan yo‘nalishlardan birini belgilash lozim bo‘ladi:
- ta’lim sifatini yaxshilash;
- o‘qituvchilar maqomini oshirish;
- o‘qituvchilar malakasini oshirish;
- davlat-xususiy sheriklik;
- maktabdan tashqari ta’limni rivojlantirish;
- innovatsiya va texnologiyalar;
- zamonaviy maktab;
- maktablarning infratuzilmasini takomillashtirish;
- inklyuziv ta’lim;
- boshqalar.
Qayd etilishicha, vazirlik ishchi guruhi tomonidan eng yaxshi g‘oya va takliflar hamda ularni hayotga tatbiq etgan muallifni aniqlash maqsadida maxsus ko‘rik-tanlov tashkil etiladi. Musobaqa natijalariga ko‘ra g‘oliblar qimmatbaho sovg‘alar bilan taqdirlanadi.
Taqdim etilgan g‘oya va takliflarni ko‘rib chiqish tartibi alohida Nizom bilan tasdiqlanadi hamda belgilangan tartibda e’lon qilinadi.
Izoh (0)