Исроил авиацияси Суриядаги низолардан фойдаланиб қолган ва яширин равишда мамлакат ҳудудига ҳаводан зарба йўллаган. Бу ҳақда журналист Бабак Тагҳваее Twitter’даги саҳифасида маълум қилди.
«Сурия шимоли-шарқидаги нотинч вазият Исроил ҳарбий ҳаво кучларига мамлакатдаги Ислом революцияси корпусига (Эрон армиясининг юқори даражали бўлинмаси) боғлиқ жойларга ҳужум қилиш имкониятини берган. Исроил авиацияси Ироқ чегараси яқинида жойлашган Абу-Камолдаги Ислом революцияси корпусига алоқадор лагерларга ҳаводан ҳужум зарбаси йўллаган», — деб ёзган журналист.
20 сентябрда Россия қирувчи самолётлари Исроил авиациясининг Дамашқ яқинидаги ерларга ҳужум қилишига тўсқинлик қилганди. Ундан аввал Россия Сурия армиясининг Исроил ҳарбий самолётларига қарши С-300 ракета комплексларидан фойдаланишига рухсат берган.
Россия қўшинларининг ушбу қарорига Исроилнинг F-35 билан бир неча марта Сурия ҳудудидаги объектларга ҳужум уюштиргани сабаб бўлган. Москва билан келишувга кўра, Исроил бу каби ҳаракатларни амалга оширмаслиги лозим, бироқ яҳудийлар қўшини ушбу битим шартларини тез-тез бузмоқда.
Изоҳ (0)