Innovatsion rivojlanish vazirligi xodimi Rustam Ergashev vazirlik tomonidan soliq qonunchiligiga soliq krediti amaliyotini joriy etish bo‘yicha bir nechta takliflar chiqarilganini ma’lum qildi.
Vazirlik matbuot xizmatining “Daryo”ga ma’lum qilishicha, bu haqda Bank-moliya akademiyasida akademiya professor o‘qituvchilari, Davlat soliq qo‘mitasi va Innovatsion rivojlanish vazirligi xodimlari ishtirokida yangi tahrirdagi soliq kodeksi muhokamasida aytib o‘tgan.
U mazkur takliflar soliq islohotlari sharoitida ishbilarmonlik va tadbirkorlikni rivojlanishiga xizmat qilishini tahliliy ma’lumotlar bilan asoslab bergan.
Qayd etilishicha, shu munosabat bilan mazkur takliflar Soliq kodeksining yangi tahririga kiritilishi zarurligi ta’kidlangan. Soliqlar bo‘yicha to‘lovlarni keyinchalik bo‘lib-bo‘lib foizi bilan qaytarish orqali kamaytirishni nazarda tutuvchi “investitsiyaviy soliq kreditlari” institutining joriy etilishi tadbirkorlik sub’ektlarining ixtiyorida bo‘sh pul mablag‘larining qolishiga va bu mablag‘larning investitsion va innovatsion faoliyatga yo‘naltirilishiga xizmat qiladi.
Izoh (0)