Turkiya qo‘shinlari tomonidan Suriya shimolida o‘tkazilgan “Tinchlik bulog‘i” operatsiyasi davomida 399 nafar terrorchi yakson qilindi. Bu haqda Turkiya Mudofaa vazirligi o‘zining Twitter’dagi sahifasi orqali ma’lum qildi.
Ta’kidlanishicha, hujum oqibatida Kurdiston Ishchi partiyasi va “Xalq mudofaa kuchlari”ning jangarilari yo‘q qilingan. Shuningdek, operatsiya vaqtida kamida ikki nafar turk harbiy xizmatchisi halok bo‘lgan.
Kurdiston Ishchi partiyasi va IShID terrorchilik tashkilotiga qarshi harbiy operatsiyalarning boshlanishi haqida Turkiya prezidenti Rajab Toyyib Erdo‘g‘on 9-oktabr kuni ma’lum qilgandi. Jangarilar va kurdlarning pozitsiyalariga berilgan zarbalar “Suriya ozodlik armiyasi” bilan hamkorlikda amalga oshirildi.
Mavzuga doir: Erdo‘g‘on Turkiyaning Suriyada harbiy harakatlarni amalga oshirishga haqi borligini ta’kidladi
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)