O‘zbekistonda shakar narxi ko‘tarilishda davom etmoqda. Joriy yil davomida ilk bor uning maksimal narxi 7000 so‘mga yetdi. Bu haqda Davlat statistika qo‘mitasi ma’lumotlariga tayanib, “Spot” xabar bermoqda.
Qayd etilishicha, bungacha ham ushbu mahsulot bahosi ko‘tarilib-tushib turgan. Xususan, sentabr oyi boshida ayrim hududlarda 6500 so‘mdan sotilgan, biroq o‘shanda bu narxlarning umumiy oshishi doirasida bo‘lgandi. Hozirda esa boshqa kuzatuv ostidagi mahsulotlar narxi o‘zgarmagan.
Mahalliy shakar narxi o‘zgarishi mumkinligi iyul oyidayoq taxmin qilingandi. Bunga sabab joriy yil 1-oktabrdan qo‘shilgan qiymat solig‘i bo‘yicha imtiyozlarning bekor qilinishi bo‘ldi. Bu chora import qilinadigan shakar xomashyosiga ham taalluqli bo‘ldi.
Mavzuga doir:
- O‘zbekistonda 1-yanvardan qandolat mahsulotlari va shokolad uchun import boji oshiriladi
- Rossiya O‘zbekistonga 200 ming tonna shakar yetkazib berish uchun kvota so‘radi
- O‘zbekiston Ukraina shakarining asosiy xaridori bo‘lishdan to‘xtadi
- O‘zbekistonda 2018-yilda shakar ishlab chiqarish 85,5 foizga kamaydi
Izoh (0)