Ўзбекистонда шакар нархи кўтарилишда давом этмоқда. Жорий йил давомида илк бор унинг максимал нархи 7000 сўмга етди. Бу ҳақда Давлат статистика қўмитаси маълумотларига таяниб, «Spot» хабар бермоқда.
Қайд этилишича, бунгача ҳам ушбу маҳсулот баҳоси кўтарилиб-тушиб турган. Хусусан, сентябрь ойи бошида айрим ҳудудларда 6500 сўмдан сотилган, бироқ ўшанда бу нархларнинг умумий ошиши доирасида бўлганди. Ҳозирда эса бошқа кузатув остидаги маҳсулотлар нархи ўзгармаган.
Маҳаллий шакар нархи ўзгариши мумкинлиги июль ойидаёқ тахмин қилинганди. Бунга сабаб жорий йил 1 октябрдан қўшилган қиймат солиғи бўйича имтиёзларнинг бекор қилиниши бўлди. Бу чора импорт қилинадиган шакар хом ашёсига ҳам тааллуқли бўлди.
«Spot» нашрининг эслатишича, Халқаро пресс-клубнинг мазкур қарор муҳокамасига бағишланган июль ойидаги сессиясида Ангрен шакар заводи вакили ҚҚС бўйича имтиёзларнинг бекор қилиниши маҳсулот таннархига таъсирини ўтказмай қолмаслиги ҳақида огоҳлантирган.
Изоҳ (0)