Turkiyada hukmron partiya deputatining uyidagi sirli hodisa oqibatida vafot etgan Nodira Qodirova aslida qotillik qurboni bo‘lishi mumkin, deb yozadi “Kun.uz”.
Deutsche Welle tarqatgan xabarga ko‘ra, marhumning jasadi O‘zbekistonga keltirilgach, dafn etishdan oldin yuvish chog‘ida uning tanasida ikkita o‘q teshigi va ko‘kargan joylar borligining guvohi bo‘lishgan.
Mavzuga doir: Turk advokati Nodira Qodirova o‘limi bo‘yicha aniq dalillar yashirilayotganini ma’lum qildi
Shuningdek, tasdiqlanmagan ma’lumotlarga ko‘ra, jasad O‘zbekistonga olib kelingach, takroriy sud-tibbiy ekspertizasi o‘tkazilmagan. Qolaversa, marhum dafn etib bo‘linguniga qadar deputat Shirin Unalning odami jarayonni muntazam kuzatib turgan.
Bundan tashqari, marhumning oila a’zolari ayni jarayon davomida Turkiya elchixonasiga 2-3-marta borib kelgani aytilmoqda.
DW manbalari oila a’zolari qattiq qo‘rqib qolishgani, OAV vakillari bilan ortiq muloqot qilishni istamayotganini bildirgan. Oilaning uyi yaqinida noma’lum sabablarga ko‘ra 24 soat davomida ikki militsioner turgani ham iddao qilinyapti.
Ushbu ish bilan advokat Birol O‘zturk Nodiraning oilasi nomidan shug‘ullana boshlaydi. Hozircha u tegishli vakolatni olmagan, shuning uchun ish materiallari, xususan, sud-tibbiy ekspertizasi xulosasi bilan tanisha olmaydi.
DW mazkur holat yuzasidan deputat Shirin Unalning Turkiya parlamentidagi ofisi bilan bog‘langan. Qo‘ng‘iroqqa deputatning vakili javob berib, bu masalada hech qanday izoh bera olmasligini, barcha savollarga prokuratura o‘z bayonotida javob berganini bildirgan.
Mavzuga doir:
- O‘zbekistonlik qiz turkiyalik deputatning uyida o‘z joniga qasd qildi
- Turk deputatining uyida o‘zini o‘ldirgan Nodira Qodirovani prokuratura fohishalik qilganlikda aybladi
- Nodira Qodirova ishi. Turkiya parlamentining muxolif deputati adliya vaziridan oltita savolga javob talab qildi
- TIV: Turk deputatining uyida o‘lgan Nodira Qodirova bilan bog‘liq vaziyat nazoratga olingan
- Huquqshunos: “Ular Nodira Qodirovani fohishalikda ayblash orqali o‘zlarini oqlab olishmoqchi”
- Nodira Qodirova ishi bo‘yicha turk deputati qanday ko‘rsatma bergani ma’lum bo‘ldi
- O‘zbekistonliklar Turkiyada deputatning uyida shubhali o‘lim topgan Nodira Qodirovaning qotili jazolanishini talab qiluvchi norozilik kampaniyasini boshladi (foto)
- Turk advokati Nodira Qodirova o‘limi bo‘yicha aniq dalillar yashirilayotganini ma’lum qildi
Izoh (0)