Qashqadaryo viloyati, G‘uzor tumanida tadbirkorlik mahsulotlarini Yevropaga yetkazib beruvchi Logistik markaz faoliyat boshladi. Bu haqda “Daryo”ga G‘uzor tuman hokimligi axborot xizmati xabar berdi.
Ma’lum qilinishicha, “Buyuk Amir Logistic” MChJ (Buyuk Britaniya—Litva—O‘zbekiston) qo‘shma korxonasi tumanda “Logistika markazi” tashkil etish maqsadida sentabrda davlat ro‘yxatidan o‘tkazilgan.
Xorijlik investorlarga loyihani amalga oshirish uchun tuman hokimi tomonidan shahar markazidan qulay yer maydoni ajratilgan hamda markaz ochilishi munosabati bilan 30 ta yangi ish o‘rni yaratilgan.
Xorijlik investorlar tomonidan logistika markaziga 720 ming dollarlik 17 ta zamonaviy maxsus yuk tashish texnikasi olib kelingan. Qo‘shimcha qilinishicha, 2019-yil oxirigacha qo‘shimcha 10 ming tonna sig‘imga ega sovutgich va 25 ta maxsus texnika olib kelinishi rejalashtirilgan.
Izoh (0)