Туркияда ҳукмрон партия депутатининг уйидаги сирли ҳодиса оқибатида вафот этган Нодира Қодирова аслида қотиллик қурбони бўлиши мумкин, деб ёзади «Kun.uz».
Deutsche Welle тарқатган хабарга кўра, марҳумнинг жасади Ўзбекистонга келтирилгач, дафн этишдан олдин ювиш чоғида унинг танасида иккита ўқ тешиги ва кўкарган жойлар борлигининг гувоҳи бўлишган.
Бунга қадар Қодирова юрагидан бироз юқорироққа ўзи ўқ узгани, яъни ўз жонига қасд қилгани айтиб келинаётган эди. Аммо, Нодиранинг қариндоши шахсини очиқламаслик шарти билан DW мухбирига марҳумнинг оёғида ҳам ўқ узилганидан қолган тешик, елкаси ва қўлларида эса кўкарган жойлар бўлганини айтган.Шунингдек, тасдиқланмаган маълумотларга кўра, жасад Ўзбекистонга олиб келингач, такрорий суд-тиббий экспертизаси ўтказилмаган. Қолаверса, марҳум дафн этиб бўлингунига қадар депутат Ширин Уналнинг одами жараённи мунтазам кузатиб турган.
Бундан ташқари, марҳумнинг оила аъзолари айни жараён давомида Туркия элчихонасига 2-3 марта бориб келгани айтилмоқда.
DW манбалари оила аъзолари қаттиқ қўрқиб қолишгани, ОАВ вакиллари билан ортиқ мулоқот қилишни истамаётганини билдирган. Оиланинг уйи яқинида номаълум сабабларга кўра 24 соат давомида икки милиционер тургани ҳам иддао қилиняпти.
Ушбу иш билан адвокат Бирол Ўзтурк Нодиранинг оиласи номидан шуғуллана бошлайди. Ҳозирча у тегишли ваколатни олмаган, шунинг учун иш материаллари, хусусан, суд-тиббий экспертизаси хулосаси билан таниша олмайди.
DW мазкур ҳолат юзасидан депутат Ширин Уналнинг Туркия парламентидаги офиси билан боғланган. Қўнғироққа депутатнинг вакили жавоб бериб, бу масалада ҳеч қандай изоҳ бера олмаслигини, барча саволларга прокуратура ўз баёнотида жавоб берганини билдирган.
Мавзуга доир:
- Ўзбекистонлик қиз туркиялик депутатнинг уйида ўз жонига қасд қилди
- Турк депутатининг уйида ўзини ўлдирган Нодира Қодировани прокуратура фоҳишалик қилганликда айблади
- Нодира Қодирова иши. Туркия парламентининг мухолиф депутати адлия вазиридан олтита саволга жавоб талаб қилди
- ТИВ: Турк депутатининг уйида ўлган Нодира Қодирова билан боғлиқ вазият назоратга олинган
- Ҳуқуқшунос: «Улар Нодира Қодировани фоҳишаликда айблаш орқали ўзларини оқлаб олишмоқчи»
- Нодира Қодирова иши бўйича турк депутати қандай кўрсатма бергани маълум бўлди
- Ўзбекистонликлар Туркияда депутатнинг уйида шубҳали ўлим топган Нодира Қодированинг қотили жазоланишини талаб қилувчи норозилик кампаниясини бошлади (фото)
- Турк адвокати Нодира Қодирова ўлими бўйича аниқ далиллар яширилаётганини маълум қилди
Изоҳ (0)