Sog‘liqni saqlash vazirligi tashabbusi bilan O‘zbekiston Oliy Majlisi Qonunchilik palatasi ko‘magida “O‘zbekiston Respublikasining Jinoyat kodeksiga qo‘shimcha kiritish to‘g‘risida”gi qonun loyihasi ishlab chiqildi, deb xabar beradi Sog‘liqni saqlash vazirligining Jamoatchilik bilan aloqalar bo‘limi.
Turli vazirlik va idoralar bilan kelishish jarayoni yakunlanib, 4-oktabr kuni qonun loyihasi belgilangan tartibda ko‘rib chiqish uchun Vazirlar Mahkamasiga kiritildi.
Mavzuga doir: Sog‘liqni saqlash vaziri Bosh prokurorga murojaat qildi
Mavzuga doir: O‘zbekistonda tibbiyot xodimlariga nisbatan tajovuz uchun javobgarlik kuchaytirilishi mumkin
O‘ylaymizki, bu hozirda qariyb har kuni sodir bo‘ladigan hodisaga aylanib ulgurgan tajovuzlarning oldini olishda katta profilaktik ta’sir kuchiga ega bo‘ladi.Zero, shifokor hech qachon bemorga yomon bo‘lishini istab harakat qilmaydi, u hamisha insonga yaxshilik qilishga intiladi, ko‘makka muhtoj bemorga shifo baxsh etish, favqulodda holatlarda inson hayoti va salomatligini asrash uchun bor kuch-salohiyatini baxsh etadi.
Shu bois, bunday fidoyi kasb sohiblariga, ularning halol mehnatiga nisbatan adolatsizlik va nohaqliklarning oldini olish, ular samarali faoliyat yuritishi uchun zarur sharoit yaratish davlat va jamiyat zimmasidagi muhim vazifadir. Qonunchiligimizga kiritish taklif etilayotgan o‘zgartirishlar ana shunday dolzarb vazifalar yechimi yo‘lida muhim qadam bo‘ladi, degan umiddamiz.
Sog‘liqni saqlash vazirligi
Izoh (0)