Toshkent viloyati, shahar va tumanlari hududlarida piyodalar ishtirokidagi YTHning oldini olish hamda serqatnov yo‘llar va chorrahalarda piyodalar uchun belgilangan joylardan yurishlarini tartibga solish maqsadida bir kunlik “Diqqat, piyoda!” profilaktik tadbiri o‘tkazildi. Bu haqda Toshkent viloyati YHXB matbuot xizmati xabar berdi.
Joriy yilning shu davrigacha piyodalar ishtirokida 317 ta yo‘l YTH sodir bo‘lgan.
Ularning 38 foizi aynan piyodaning yo‘l harakati qoidalariga amal qilmasligi oqibatida kelib chiqqan. 47 ta holatda esa piyoda mast holatda bo‘lganligi ma’lum bo‘ldi, deyiladi xabarda.
Tadbirda davomida qoidabuzarlik sodir etganligi aniqlangan fuqarolarga nisbatan, tushuntirish ishlari olib borilib, ma’muriy bayonnomalar rasmiylashtirildi. Kun mobaynida Toshkent viloyati YPX inspektorlari tomonidan piyodalarga nisbatan 296 ta ma’muriy bayonnoma rasmiylashtirilib, O‘zbekiston Respublikasi Ma’muriy javobgarlik to‘g‘risidagi kodeksining 138-moddasiga ko‘ra 277 nafar fuqaroga nisbatan jami 22 million 76 ming 10 so‘m jarima mablag‘lari belgilandi.
Qoidabuzar piyodalarni tuman-shaharlar kesimida tahlil qilinganda, Bekobod tumani 34 ta, Nurafshon shahri 29 ta, Chirchiq shahri 27 ta va Ohangaron shahrida 22 taga to‘g‘ri kelgan.
Izoh (0)