AQShda demokrat Aleksandriya Okasio-Kortez bilan bo‘lib o‘tgan uchrashuvda “ekofaollar”dan biri ekologiya uchun bolalarni yeyishga va Rossiyani bombardimon qilishga chaqirdi, deb xabar beradi The Sun.
AQSh Vakillar palatasi a’zosi bilan bo‘lib o‘tgan uchrashuvda noma’lum ayol o‘ziga so‘z berishlarini iltimos qilib, global falokatga bir necha oygina qolganini ma’lum qildi. U buning oldini olish uchun keskin choralarni qo‘llash taklifini bildirdi. “Biz Rossiyani bombardimon qilsak ham odamlar juda ko‘p qoladi… Bu juda katta muammo. Biz bolalarni yeyishimiz kerak”, — deydi ayol.
O‘z chiqishi davomida ayol ustki kiyimini yechib yuborgan, u kiygan futbolkaga esa “Bolalarni ye, sayyorani qutqar” deya yozuv bitilgan.
Shuningdek, u murdalarni yeyishni ham tavsiya qilgan, ayolning fikricha, bu bilan baribir sayyorani tez qutqarib bo‘lmaydi.
Keyinroq, AQSh prezidenti Donald Trampni qo‘llab-quvvatlovchi LaRouchePAC harakati bu aslida hazil ekanligini ma’lum qilgan. Ular Twitter orqali ekologiya borasidagi pozitsiyasi bilan tanilgan Okasio-Koretez qachondir shu kabi taklifni berishi mumkinligini qayd etgan.
Izoh (0)