Hindiston harbiy havo kuchlarining joriy yil 27-fevral kuni Jammu va Kashmir shtatida halokatga uchragan Mi-17 vertolyoti hind harbiylari tomonidan urib tushirilgan. Bu haqda Hindiston HHK shtabi boshlig‘i Rakesh Kumar Singh ma’lum qildi, deya xabar beradi “Kommersant”.
Oldinroq Dehli vertolyot halokatida Pokistonni ayblagan, Islomobod esa hodisaga aloqadorligini inkor etgandi.
Mi-17 urib tushirilishi oqibatida 6 nafar hind harbiy xizmatchisi va bir fuqaro halok bo‘lgandi. Mazkur hodisa yuzasidan tergov harakatlari o‘tgan haftada yakunlandi.
“Bu biz tomonimizdan katta xato bo‘lgan, buni tan olamiz. Vertolyotga bizning raketa borib tekkan, bu aniqlandi. Tegishli ma’muriy va intizomiy choralar ko‘rilmoqda. Bunday hodisalar kelgusida takrorlanmasligi uchun zarur harakatlar amalga oshiriladi”, — dedi Rakesh Kumar Singh.
Uning aytishicha, mamlakat qurolli kuchlarining ikki zobiti javobgarlikka tortiladi.
Izoh (0)