Eron politsiyasi rahbari, brigada generali Husayn Ashtariy Eron Islom Respublikasi eng yuqori harbiy kuchga ega beshta mamlakat qatoriga kirishini ma’lum qildi. Bu haqda “Eron.ru” xabar bermoqda.
Husayn Ashtariy bu bayonotini Politsiya haftaligi munosabati bilan qilgan va haftalikning “Odamlar ishonadigan aqlli politsiya” shiorini aytib o‘tgan.
Politsiya rahbari mamlakatning barcha qismlarida tartib va xavfsizlikni saqlash uchun politsiya kuchlari o‘zini qurbon qilishga tayyorligini ta’kidlagan.
Ashtariy mamlakatdagi barqaror xavfsizlikka asosiy omil sifatida Allohning yordami, Islom inqilobi yetakchisi Oyatulloh Said Ali Hamoniyning ko‘rsatmalari, armiya, Islom inqilobi qo‘riqchilari Korpusi va politsiya kuchlarini ko‘rsatib o‘tgan.
Politsiya haftaligining birinchi kuni bilan bir vaqtda huquqni muhofaza qiluvchi idoralar xodimlari Islom inqilobi asoschisining g‘oyalariga sodiqligini yana bir bor ta’kidlagan.
Avvalroq Islom inqilobi qo‘riqchilari Korpusining aerokosmik bo‘linmasi qo‘mondoni Amir Ali Hojizoda Eron raketa tunnellarini loyiha boshlanganidan 35 yil o‘tib ham to‘xtovsiz qazishda davom etayotganini ma’lum qilgan edi.
Izoh (0)