Ommaviy axborot vositalari erkinligi masalalari bo‘yicha Yevropada xavfsizlik va hamkorlik tashkilotining vakili Arlem Dezir Twitter orqali Fergana News agentligi saytining Rossiya hududida bloklanganligi yuzasidan fikrlarini bildirib o‘tdi.
Men Rossiyada Fergana News agentligining sayti bloklanganligidan xavotirdaman. Bu kabi cheklov harakatlari Internetda ma’lumotlarning erkin tarqalishiga xalaqit qilmasligi zarur. Roskomnadzor ushbu vaziyatni tezkorlik bilan to‘g‘irlab qo‘yishiga umid qilaman.Arlem Dezir, Ommaviy axborot vositalari erkinligi masalalari bo‘yicha Yevropada xavfsizlik va hamkorlik tashkilotining vakili
Arlem Dezir 2017-yil iyul oyidan buyon Ommaviy axborot vositalari erkinligi masalalari bo‘yicha Yevropada xavfsizlik va hamkorlik tashkilotining vakili lavozimida ishlab keladi. Dezir avval Xalqaro taraqqiyot va tashqi ishlar vazirligi qoshida Yevropa ishlari bo‘yicha davlat vaziri, Yevropa parlamenti a’zosi va Fransiya sotsial partiyasining birinchi kotibi lavozimlarida faoliyat yuritgan. Shuningdek, Dezir Fransiyaning irqchilik, antisemitizm va millatchilikning boshqa shakllariga qarshi kurashuvchi SOS Racisme notijorat assotsiatsiyasining ta’sischilaridan biri hisoblanadi.
Mavzuga doir: Rossiyada Fergana News agentligi sayti bloklandi
Izoh (0)