1 октябрда ўтган Туркманистон Вазирлар Маҳкамаси ҳамда Хавфсизлик кенгаши қўшма йиғилишида президент Гурбангули Бердимуҳаммедов «Туркман отлари» («Türkmen atlary») давлат бирлашмаси фаолиятини танқид қилган.
«Туркменистан Сегодня» ахборот агентлиги хабарига кўра, президент бирлашмада меҳнат тартиб-қоидаларига бўйсунишда сусткашликка йўл қўйилгани, шунингдек отлар билан машқлар ўтказиш ва уларни ўргатишда кўплаб нормаларга амал қилинмагани, натижада ахалтекин отларига нисбатан нотўғри муносабатда бўлинганини таъкидлаган.
Барча камчиликлар учун масъулият бирлашма раҳбари Мергеннепес Аннанепесов зиммасида бўлгани сабаб у давлат раҳбари томонидан эгаллаб турган лавозимидан озод қилинган.
Аввал ушбу қўшма йиғилишда Бердимуҳаммедов Туркманистон Ички ишлар вазирлиги фаолиятини кескин танқид қилгани ва вазир Искандар Муликовни ишдан ҳайдагани, Ички ишлар собиқ вазирининг давлат мукофотларидан маҳрум қилингани ва қамалаши мумкинлиги хабар қилинганди.
Мавзуга доир:
Изоҳ (0)