Forbes AQShning eng boy kishilari ro‘yxatini e’lon qildi

Forbes jurnali har yili e’lon qilinadigan AQShning eng boy 400 kishisi ro‘yxatini e’lon qildi. Bu haqda Meduza xabar berdi.

O‘tgan yildagi kabi birinchi o‘rindan Amazon asoschisi Jeff Bezos joy oldi. Forbes’ning hisob-kitobiga ko‘ra, uning boyligi 114 milliard dollarni tashkil qiladi, o‘tgan yilda esa uning miqdori 160 milliard dollar bo‘lgan. Bezos nikohdan ajralish jarayonida bir necha o‘n milliard dollardan ajralgan. Uning sobiq rafiqasi Makkenzi esa birinchi marta eng boy amerikaliklar ro‘yxatiga kirdi. Uning boyligi 36,1 milliard dollar bo‘lib, 15-o‘rinni egallagan.

Ko‘p yillar davomida dunyoning eng boy kishilari ro‘yxatiga boshchilik qilgan Microsoft asoschisi Bill Geyts mazkur ro‘yxatda ikkinchi o‘rinni egallagan. Forbes Geytsning boyligini 106 milliard dollar deb baholamoqda.

Uchinchi o‘rinda 80,8 milliard dollar bilan investor Uorren Baffet qayd etilgan. Baffetdan keyingi qatordan esa Facebook asoschisi Mark Sukerberg joy olgan.

Avvalroq Forbes Rossiyaning eng boy oilalari, eng ko‘p haq to‘lanuvchi aktrisalar va aktyorlar reytinglarini e’lon qilgan edi.