O‘tgan oy yosh futbol ishqibozlari uchun yorqin sport voqeasi – “Mahallaga mahalla” futbol turniri bilan esda qoldi. 508 jamoa o‘rtasida saralash bosqichlari Toshkentning 11 tumanida tashkil etildi. Eng zo‘r jamoalar o‘rtasidagi final uchrashuvi “O‘zbekiston” sport majmuasida o‘tkazildi.
Taqdirlash marosimi – “Mahallaga mahalla” futbol musobaqalarining yakuniy nuqtasi mamlakatimiz futbol yulduzlari va O‘zbekiston futbol assotsiatsiyasining birinchi vitse-prezidenti Ravshan Ermatov ishtirokida bo‘lib o‘tdi.
— Bunday musobaqalar oddiy o‘g‘il bolalarga orzular ro‘yobini sovg’a qiladi. Bu yerda katta futbolning ta’mini his qilish, “kattalarcha” – hakam, murabbiy va jamoa bilan futbol o‘ynash mumkin. Bu raqam juda ta’sirli – Coca-Cola, O‘zbekiston Futbol assotsiatsiyasi, Professional futbol ligasi va “Mahalla” Respublika kengashi tomonidan tashkil etilgan chempionatda 4500 dan ortiq 14-15 yoshdagi o‘g‘il bolalar ishtirok etdilar. Tasavvur qiling, “Mahallaga mahalla” qancha quvonch, sport hayajoni va yangi tajribani tuhfa qildi. Men bunday turnirlar ko‘proq bo‘lishini juda istardim, shunda ko‘cha futboli yangi futbol yulduzlari uchun boshlang‘ich nuqtaga aylanadi, — dedi taniqli FIFA hakami.
Barcha ishtirokchilarga esdalik sovg‘alari topshirildi, finalchilarga – velosipedlar va quloqchinlar, g‘olib jamoaga esa tadbirning faxriy mehmonlari kubok, kompyuter va quloqchinlarni shaxsan topshirdilar.
— Birinchi sinfda o‘qiyotganimda onam meni birinchi marta futbol mashg’ulotlariga olib kelganlar. Shu paytdan boshlab men doimiy ravishda mashq qilaman, o‘ynayman va bir kun kelib terma jamoamiz tarkibida Jahon chempionatida qatnashishni orzu qilaman, — deydi Yashnobod tumanidan kelgan 14 yoshli Bekzod Ahmedov. — Siz hayron qolasiz, ammo futbolda menga asosan mashg‘ulotlar yoqadi. Murabbiy bizga o‘yin texnikasi, taktikalarni o‘rgatishi va biz ular ustida ishlashimiz. Men asosan maktabda mashg‘ulotlarda o‘ynayman, lekin ko‘pincha do‘stlarim bilan uy yaqinidagi maydonda ham birga futbol o‘ynaymiz. Men jamoada o‘ynashni yaxshi ko‘raman, o‘zaro qanday kelishib olish – bu maydonda eng muhim narsa.
Ushbu ta’sirli suhbatdan so‘ng siz ko‘cha futbolini butunlay boshqacha ko‘rasiz. Jiddiy, muhim va nihoyatda haqiqiy. O‘z muxlislari, qoidalari va vazifalari bilan. Aynan mana shu kichik maydonlarda, hovli, maktablar yaqinida, shaharning eng oddiy joylarida afsona ro‘y beradi – futbol barchani birlashtirib, hayajon va hayrat ostida bolalarning orzularini ro‘yobga chiqaradi.
Coca-Cola, O‘zbekiston Futbol assotsiatsiyasi, Professional Futbol ligasi va “Mahalla” Respublika kengashi tomonidan tashkil etilgan ushbu musobaqada 14 yoshdan 15 yoshgacha bo‘lgan 4500 dan ortiq o‘g‘il bolalar ishtirok etdilar.
Final bahsida Olmazor va Bektemir tumanlari jamoalari chempionlik uchun bahslashdilar. Ajablanarli darajada qiziqarli va ajoyib bellashuv Olmazor tumani Qorasaroy mahalla jamoasining 2:0 hisobidagi g‘alabasi bilan yakunlandi.
Turnir g‘oliblari va ishtirokchilarini taqdirlash marosimida o‘zbekistonlik futbol yulduzlari, O‘zbekiston Futbol assotsiatsiyasi va Professional futbol ligasi rahbariyati, shuningdek, Coca-Cola kompaniyasining O‘zbekistondagi jamoasi vakillari ishtirok etdilar.
— Bu biz uchun juda ahamiyatli voqea. Biz birinchi marotaba shunday miqyosdagi musobaqani o‘tkazmoqdamiz va ishtirokchilarning o‘zlari buni yoqtirishlari, qanday qilib g‘alabalardan zavqlanishlari va yutqazishni to‘g’ri qabul qilishni o‘rganishayotganini ko‘rib, ulardan g‘oyat g‘ururlanmoqdamiz”, — o‘z taassurotlari bilan o‘rtoqlashdi Coca-Cola Ichimligi Uzbekiston, Ltd.“MChJ direktori Anvar Xojiev. — Oldinda sport hayot tarzini qo‘llab-quvvatlash uchun yana ko‘plab qiziqarli loyihalar bizni kutmoqda va ushbu hissa yangi sport yulduzlariga yangi start boshlashi va orzulariga ishonadiganlar uchun yangi imkoniyatlar ochishiga umid qilamiz.
Reklama huquqi asosida.
Izoh (0)