“Atletiko” — “Selta”
Madridliklar klubi bu turda ham kutilmaganda ochko yo‘qotdi. O‘tgan turda “Real Sosyedad”ga imkoniyatni boy bergan “matraschilar” bu gal o‘z maydonida “Selta”ni mag‘lub eta olmadi. Butun uchrashuv mobaynida total ustunlikka ega bo‘lgan mezbonlar hujumlarni golga aylantira olmadi. Shu tariqa “Selta” klubi “Valensiya” va “Sevilya” qatorida Madrid klubidan ham ochko tortib oldi.
Diyego Simeone jamoasi so‘nggi uch o‘yinda bir mag‘lubiyat va ikki durang qayd etdi. “Atletiko” Chempionlar Ligasi doirasida “Yuventus” bilan durang o‘ynagandi (2:2). Mazkur yo‘qotishlar madridliklarning 6-o‘ringa tushib ketishiga sababchi bo‘ldi.“Granada” — “Barselona”
Yana bir sensatsion natija Granadada qayd etildi. Amaldagi chempion “Barselona” navbatdagi ochkolarni boy berdi. Dastlabki daqiqalarda Ramon Aziz hisobni ochgan bo‘lsa, ikkinchi bo‘lim o‘rtalariga yaqin Alvaro Vadilyo hisobni 2:0 ko‘rinishiga keltirdi.
Uchrashuvda katalonlar nafaqat natija borasida, balki o‘yin tomonlama ham raqibdan ortda kuchsiz ko‘rindi. “Barselona”ning safar o‘yinlaridagi g‘alabasiz seriyasi yetti o‘yinga yetdi. Bundan tashqari “ko‘k-anorranglilar” La Ligada ketma-ket to‘rtta o‘yinda ikki va undan ortiq gol o‘tkazib yubordi. Bunday natija oxirgi marta Xosep Gvardiola davrida yuz bergandi.“Sevilya” — “Real”
Turning markaziy uchrashuvi “Sevilya” va “Real” jamoalari o‘rtasida kechdi. Parijdagi qaqshatqich mag‘lubiyatdan so‘ng Zinedin Zidan shogirdlarini jiddiy sinov kutib turgandi. O‘yin kutilganidek keskinlik va prinsipiallikka boy bo‘ldi. Mezbonlar bosh murabbiyi Xulen Lopetegi va himoyachi Serxio Regilon sobiq jamoasiga qarshi o‘yinda o‘zini ko‘rsatishga urinishi tayin edi.
Bu o‘yinga “Real” o‘zgacha ruhda tayyorgarlik ko‘rgani bilinib turdi, ilk daqiqalardan vaziyatni qo‘lga olishga uringan madridliklar butun bahs davomida raqibga darvoza tomon aniq zarba berishga yo‘l qo‘ymadi. Uchrashuvda Karim Benzema tomonidan kiritilgan gol yagonaligini saqlab qoldi.
Shu tariqa “Sevilya”ning ushbu mavsumdagi mag‘lubiyatsiz seriyasiga nuqta qo‘yildi. “Real” esa to‘rt yil deganda ilk bor “Ramon Sanches Pisxuan” stadionidan uch ochko ishlab qaytdi.“Valensiya” — “Leganes”
Hafta o‘rtasida Chempionlar Ligasi 1-turida Londonda “Chelsi”ni mag‘lubiyatga uchratgan “Valensiya” Primerada kutilmagan natija qayd etdi. O‘tgan turda “Barselona”ga yirik hisobda mag‘lub bo‘lgan valensiyaliklar bu safar yaqqol autsayder “Leganes”ga qarshi bahs o‘tkazdi. Ushbu mavsum birorta ham ochko to‘play olmagan mehmonlar nomdor raqib bilan durang o‘ynadi.
Tur raqamlari
Ushbu turda darvozalarga jami 19 marta to‘p kiritildi. Tur nafaqat golga kamligi, balki nursiz o‘yinlarga boyligi bilan ham ajralib turdi. Hozircha “Atletik”, “Real” va “Osasuna” mag‘lubiyat nimaligini bilmay kelmoqda. “Eybar” va “Leganes” esa hali g‘alabaga erishgani yo‘q. “Barselona” eng ko‘p (12 ta) gol urish bilan birga, o‘tkazib yuborilgan (9) to‘plar borasida ham yetakchilar qatorida.Musobaqa jadvalidagi holat
5-turga keliboq peshqadam jamoalar ham to‘rt ochkodan yo‘qotishga majbur bo‘ldi. Jadvalda “Atletik” va “Real” 11 ochkodan to‘plagan holda yetakchi bo‘lib turibdi. Ulardan keyin to‘rtta jamoada 10 ochko bilan ketma-ket joylashgan: “Granada”, “Real Sosyedad”, “Sevilya” va “Atletiko”. “Barselona” esa 7 ochko bilan 8-o‘ringa tushib ketdi. “Valensiya” bir g‘alaba va ikki durang bilan 12-pog‘onada turibdi.La Liga
5-tur bahslari
20-sentabr, juma
“Osasuna”—“Betis” 0:0
21-sentabr, shanba“Vilyarreal”—“Valyadolid” 2:0
Gollar: 1:0 — 77, penalti Kasorla, 2:0 — 89 Ontiveros“Levante”—“Eybar” 0:0
“Atletiko”—“Selta” 0:0
“Granada”—“Barselona” 2:0
Gollar: 1:0 — 2 Aziz, 2:0 — 66, penalti Vadilyo22-sentabr, yakshanba
“Xetafe”—“Malyorka” 4:2
Gollar: 1:0 — 7, avtogol Baba, 2:0 — 33, penalti Molina, 3:0 — 63 Nyom, 3:1 — 70 Budimir, 3:2 — 77 Budimir, 4:2 — 84 Rodriges“Espanyol”—“Real Sosyedad” 1:3
Gollar: 0:1 — 18 Villian Joze, 0:2 — 34 Villian Joze, 1:2 — 71, avtogol Saldua, 1:3 — 75 Isak“Valensiya”—“Leganes” 1:1
Gollar: 1:0 — 21, penalti Parexo, 1:1 — 35 Oskar Rodriges“Atletik”—“Alaves” 2:0
Gollar: 1:0 — 38, penalti Raul Garsiya, 2:0 — 72 Muniain“Sevilya”—“Real” 0:1
Gol: 0:1 — 64 BenzemaMusobaqa jadvali
To‘purarlar ro‘yxati
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)