Buxoroda 23-sentabr, dushanba kuni boks bo‘yicha Yekaterinburgda o‘tkazilgan Jahon chempionati g‘olibi Shahobiddin Zoirov hamda uning murabbiyi Istam Kabinovga viloyat hokimi O‘ktam Barnoyev tomonidan Chevrolet Tracker avtomobillari sovg‘a qilindi. Bu haqda “Daryo” muxbiri xabar bermoqda.
Jahon chempioni va uning murabbiyini taqdirlash marosimi “Ark” qo‘rg‘onida bo‘lib o‘tdi.
“2016-yilgi Rio Olimpiadasida yuksak natijaga erishgan edim. Yekaterinburgda kechgan murosasiz va shiddatli bahslar ham omad keltirdi. Bu yutuq va muvaffaqiyatlarim ortida men uchun hamisha duoda bo‘lgan ota-onam va meni qo‘llab turgan Vatanim bor. Ular oldida, shuningdek, meni doimo janglarga shiddatkor kirishimda kuch bag‘ishlagan murabbiyim oldida ta’zimdaman. Barchangizning ishonchingiz meni katta g‘alabaga chorladi. G‘alabalarim sizlar uchun” – deydi Shahobiddin Zoirov “Ark” qo‘rg‘onida to‘plangan muxlislariga.
Izoh (0)