«Атлетико» — «Сельта»
Мадридликлар клуби бу турда ҳам кутилмаганда очко йўқотди. Ўтган турда «Реал Сосьедад»га имкониятни бой берган «матрасчилар» бу гал ўз майдонида «Сельта»ни мағлуб эта олмади. Бутун учрашув мобайнида тотал устунликка эга бўлган мезбонлар ҳужумларни голга айлантира олмади. Шу тариқа «Сельта» клуби «Валенсия» ва «Севилья» қаторида Мадрид клубидан ҳам очко тортиб олди.
Диего Симеоне жамоаси сўнгги уч ўйинда бир мағлубият ва икки дуранг қайд этди. «Атлетико» Чемпионлар Лигаси доирасида «Ювентус» билан дуранг ўйнаганди (2:2). Мазкур йўқотишлар мадридликларнинг 6-ўринга тушиб кетишига сабабчи бўлди.«Гранада» — «Барселона»
Яна бир сенсацион натижа Гранадада қайд этилди. Амалдаги чемпион «Барселона» навбатдаги очколарни бой берди. Дастлабки дақиқаларда Рамон Азиз ҳисобни очган бўлса, иккинчи бўлим ўрталарига яқин Альваро Вадильо ҳисобни 2:0 кўринишига келтирди.
Учрашувда каталонлар нафақат натижа борасида, балки ўйин томонлама ҳам рақибдан ортда кучсиз кўринди. «Барселона»нинг сафар ўйинларидаги ғалабасиз серияси етти ўйинга етди. Бундан ташқари «кўк-анорранглилар» Ла Лигада кетма-кет тўртта ўйинда икки ва ундан ортиқ гол ўтказиб юборди. Бундай натижа охирги марта Хосеп Гвардиола даврида юз берганди.«Севилья» — «Реал»
Турнинг марказий учрашуви «Севилья» ва «Реал» жамоалари ўртасида кечди. Париждаги қақшатқич мағлубиятдан сўнг Зинедин Зидан шогирдларини жиддий синов кутиб турганди. Ўйин кутилганидек кескинлик ва принципиалликка бой бўлди. Мезбонлар бош мураббийи Хулен Лопетеги ва ҳимоячи Серхио Регилон собиқ жамоасига қарши ўйинда ўзини кўрсатишга уриниши тайин эди.
Бу ўйинга «Реал» ўзгача руҳда тайёргарлик кўргани билиниб турди, илк дақиқалардан вазиятни қўлга олишга уринган мадридликлар бутун баҳс давомида рақибга дарвоза томон аниқ зарба беришга йўл қўймади. Учрашувда Карим Бензема томонидан киритилган гол ягоналигини сақлаб қолди.
Шу тариқа «Севилья»нинг ушбу мавсумдаги мағлубиятсиз сериясига нуқта қўйилди. «Реал» эса тўрт йил деганда илк бор «Рамон Санчес Писхуан» стадионидан уч очко ишлаб қайтди.«Валенсия» — «Леганес»
Ҳафта ўртасида Чемпионлар Лигаси 1-турида Лондонда «Челси»ни мағлубиятга учратган «Валенсия» Примерада кутилмаган натижа қайд этди. Ўтган турда «Барселона»га йирик ҳисобда мағлуб бўлган валенсияликлар бу сафар яққол аутсайдер «Леганес»га қарши баҳс ўтказди. Ушбу мавсум бирорта ҳам очко тўплай олмаган меҳмонлар номдор рақиб билан дуранг ўйнади.
Тур рақамлари
Ушбу турда дарвозаларга жами 19 марта тўп киритилди. Тур нафақат голга камлиги, балки нурсиз ўйинларга бойлиги билан ҳам ажралиб турди. Ҳозирча «Атлетик», «Реал» ва «Осасуна» мағлубият нималигини билмай келмоқда. «Эйбар» ва «Леганес» эса ҳали ғалабага эришгани йўқ. «Барселона» энг кўп (12 та) гол уриш билан бирга, ўтказиб юборилган (9) тўплар борасида ҳам етакчилар қаторида.Мусобақа жадвалидаги ҳолат
5-турга келибоқ пешқадам жамоалар ҳам тўрт очкодан йўқотишга мажбур бўлди. Жадвалда «Атлетик» ва «Реал» 11 очкодан тўплаган ҳолда етакчи бўлиб турибди. Улардан кейин тўртта жамоада 10 очко билан кетма-кет жойлашган: «Гранада», «Реал Сосьедад», «Севилья» ва «Атлетико». «Барселона» эса 7 очко билан 8-ўринга тушиб кетди. «Валенсия» бир ғалаба ва икки дуранг билан 12-поғонада турибди.Ла Лига
5-тур баҳслари
20 сентябрь, жума
«Осасуна»—«Бетис» 0:0
21 сентябрь, шанба«Вильярреал»—«Вальядолид» 2:0
Голлар: 1:0 — 77, пенальти Касорла, 2:0 — 89 Онтиверос«Леванте»—«Эйбар» 0:0
«Атлетико»—«Сельта» 0:0
«Гранада»—«Барселона» 2:0
Голлар: 1:0 — 2 Азиз, 2:0 — 66, пенальти Вадильо22 сентябрь, якшанба
«Хетафе»—«Мальорка» 4:2
Голлар: 1:0 — 7, автогол Баба, 2:0 — 33, пенальти Молина, 3:0 — 63 Ньом, 3:1 — 70 Будимир, 3:2 — 77 Будимир, 4:2 — 84 Родригес«Эспаньол»—«Реал Сосьедад» 1:3
Голлар: 0:1 — 18 Виллиан Жозе, 0:2 — 34 Виллиан Жозе, 1:2 — 71, автогол Сальдуа, 1:3 — 75 Исак«Валенсия»—«Леганес» 1:1
Голлар: 1:0 — 21, пенальти Парехо, 1:1 — 35 Оскар Родригес«Атлетик»—«Алавес» 2:0
Голлар: 1:0 — 38, пенальти Рауль Гарсия, 2:0 — 72 Муниаин«Севилья»—«Реал» 0:1
Гол: 0:1 — 64 БенземаМусобақа жадвали
Тўпурарлар рўйхати
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)