Rossiyaning Yekaterinburg shahri mezbonlik qilayotgan boks bo‘yicha Jahon chempionatining -81 kg vazn toifasida final jangi yakunlandi.
O‘zbekiston terma jamoasi ushbu vazndagi vakili Dilshodbek Ro‘zmetov hal qiluvchi jangda qozog‘istonlik Bekzad Nudauletovga qarshi ringga chiqdi. Hakamlar uch raund yakuniga ko‘ra, qozog‘istonlik bokschining g‘alabasini qayd etdi.
Shu tariqa 20 yoshli Ro‘zmetov Jahon chempionatini kumush medali bilan yakunladi.
Eslatib o‘tamiz, avvalroq -52 kg vazn toifasi vakili Shahobiddin Zoirov hamda -57 kg vaznli Mirazizbek Mirzahalilovlar O‘zbekiston hisobiga ikkita oltin medalni yozdirib qo‘ygandi.
Ma’lumot uchun, musobaqaning so‘nggi final jangida +91 kg vazn toifasi vakili Bahodir Jalolov qozog‘istonlik Kamshibek Konkabayevga qarshi ringga ko‘tariladi.
Jang videosini “Daryo”ning Telegram’dagi rasmiy sport kanali — @daryo_sport’da tomosha qilishingiz mumkin.
Izoh (0)