Rossiyaning Yekaterinburg shahrida boks bo‘yicha Jahon chempionatining yarim final janglari 20-sentabr, juma kuni o‘tkazildi.
O‘zbekiston sharafini -81 kg vazn toifasida himoya qilgan Dilshodbek Ro‘zmetov yarim final jangida angliyalik Benjamin Uittakerga qarshi ringga ko‘tarildi. Hakamlar uch raund yakuniga ko‘ra, Dilshodbekning 5:0 hisobidagi g‘alabasini qayd etdi.
Avvalroq o‘zbekistonlik ikki bokschi Shahobiddin Zoirov hamda Miraziz Mirzahalilov finalga chiqqani, shuningdek, Bobousmon Boturovning o‘z yurishini yarim finalda to‘xtatib, bronza medalini qo‘lga kiritgani haqida xabar berilgandi.
Jang videosini “Daryo”ning Telegram’dagi rasmiy sport kanali — @daryo_sport’da tomosha qilishingiz mumkin.
Izoh (0)