Россиянинг Екатеринбург шаҳри мезбонлик қилаётган бокс бўйича Жаҳон чемпионатининг -81 кг вазн тоифасида финал жанги якунланди.
Ўзбекистон терма жамоаси ушбу вазндаги вакили Дилшодбек Рўзметов ҳал қилувчи жангда қозоғистонлик Бекзад Нудаулетовга қарши рингга чиқди. Ҳакамлар уч раунд якунига кўра, қозоғистонлик боксчининг ғалабасини қайд этди.
Шу тариқа 20 ёшли Рўзметов Жаҳон чемпионатини кумуш медали билан якунлади.
Эслатиб ўтамиз, аввалроқ -52 кг вазн тоифаси вакили Шаҳобиддин Зоиров ҳамда -57 кг вазнли Миразизбек Мирзаҳалиловлар Ўзбекистон ҳисобига иккита олтин медални ёздириб қўйганди.
Маълумот учун, мусобақанинг сўнгги финал жангида +91 кг вазн тоифаси вакили Баҳодир Жалолов қозоғистонлик Камшибек Конкабаевга қарши рингга кўтарилади.
Жанг видеосини «Дарё»нинг Telegram’даги расмий спорт канали — @daryo_sport’да томоша қилишингиз мумкин.
Изоҳ (0)