Yandeksning oziq-ovqatlar yetkazib berish xizmatida ishlaydigan kuryer, Tojikiston fuqarosi Bahrom G‘ulomqodirov Moskvada derazadan sakramoqchi bo‘lgan 12 yoshli o‘smirni qutqarib qoldi, deb xabar bermoqda “Takie dela” nashri.
Nashrning qayd etishicha, Janubiy ma’muriy okrug atrofidagi Tatishev ko‘chasida ketayotgan G‘ulomqodirov uylarning birida ikkinchi qavatda kimdandir qochib yig‘lab derazadan sakramoqchi bo‘lgan o‘smirni ko‘rib qolgan.
Bahrom tezda uy oldiga borgan oyoq kiyimini yechgan, gaz quvuriga tirmashib bolani kvartiraga onasi oldiga qaytargan. Bola o‘ziga kelgach, kuryer kvartiradan qaytib chiqib, o‘z buyurtmasini yetkazib berish uchun yana yo‘lida davom etgan.
Bolaning onasi eltib berish xizmati mijozlarni qo‘llab-quvvatlash markaziga qo‘ng‘iroq qilgan va Yandeks vakillari unga yaqin orada jasorat ko‘rsatgan yigit mukofotlanishini va’da qildi.
Izoh (0)