Amerika hukumati Afg‘onistonda barqaror tinchlikka erishishning yagona yo‘li “Tolibon” radikal harakati bilan muzokaralar olib borish deb hisoblaydi. Bu haqda AQSh davlat kotibining Janubiy va Markaziy Osiyo ishlari bo‘yicha yordamchisi Elis Uellsning so‘zlariga asoslanib, “TASS” xabar berdi.
“Biz afg‘onistonliklar o‘rtasida muzokaralar orqali erishilgan siyosiy kelishuv Afg‘onistonda mustahkam tinchlik uchun eng yaxshi yo‘l ekanligiga ishonishda davom etamiz”, — deydi Elis Uells.
“Kelgusida qanday olg‘a harakatlanish bo‘yicha maslahatlashuvlar AQSh hukumatida davom etmoqda”, — deydi Uells prezident Donald Trampning “Tolibon” bilan tinchlik muzokaralari o‘tkazishni kechiktirganini inobatga olib.
Izoh (0)