Яндекснинг озиқ-овқатлар етказиб бериш хизматида ишлайдиган курьер, Тожикистон фуқароси Баҳром Ғуломқодиров Москвада деразадан сакрамоқчи бўлган 12 ёшли ўсмирни қутқариб қолди, деб хабар бермоқда «Такие дела» нашри.
Нашрнинг қайд этишича, Жанубий маъмурий округ атрофидаги Татишев кўчасида кетаётган Ғуломқодиров уйларнинг бирида иккинчи қаватда кимдандир қочиб йиғлаб деразадан сакрамоқчи бўлган ўсмирни кўриб қолган.
Баҳром тезда уй олдига борган оёқ кийимини ечган, газ қувурига тирмашиб болани квартирага онаси олдига қайтарган. Бола ўзига келгач, курьер квартирадан қайтиб чиқиб, ўз буюртмасини етказиб бериш учун яна йўлида давом этган.
Боланинг онаси элтиб бериш хизмати мижозларни қўллаб-қувватлаш марказига қўнғироқ қилган ва Яндекс вакиллари унга яқин орада жасорат кўрсатган йигит мукофотланишини ваъда қилди.
Изоҳ (0)