2019-yil yozida Gruziyaga Rossiyadan 519,2 ming nafar turist keldi. Bu haqda Meduza xabar bermoqda.
Gruziya turizm milliy ma’muriyatiga ko‘ra, bu ko‘rsatkich 2018-yil iyun-avgust oylariga qaraganda 1,1 foizga ko‘p.
Rossiyalik sayyohlar soni iyunda o‘tgan yilning shu oyiga nisbatan 30,8 foizga oshgan, iyulda esa 7,6, avgustda 8,5 foizga kamaygan.
Eslatib o‘tamiz, ikki davlat o‘rtasidagi munosabatlar joriy yil iyun oyi oxirida Rossiya delegatsiyasining Gruziya parlamentiga tashrifi tufayli Tbilisida norozilik namoyishlari bo‘lib o‘tganidan so‘ng taranglashdi. Rossiya 8-iyuldan mamlakatlar o‘rtasidagi to‘g‘ridan to‘g‘ri parvozlarni taqiqlab qo‘ydi.
Izoh (0)