Rossiyaning Yekaterinburg shahrida 20-sentabr, juma kuni boks bo‘yicha Jahon chempionatining yarim final bahslari bo‘lib o‘tmoqda.
Yarim final bahslarini -52 kilogramm vazn toifasida O‘zbekiston terma jamoasini himoya qilayotgan Shahobiddin Zoirov boshlab berdi. U fransiyalik Bilal Bennamaga qarshi bahs olib bordi va ishonchli g‘alabani (5:0) qo‘lga kiritdi.Shu tariqa Rio Olimpiadasi chempioni Jahon chempionatining finalida hindistonlik Amitga qarshi jang qiladi.
Eslatib o‘tish joiz, Amit bir necha marta o‘zbekistonlik boshqa bir bokschi Hasanboy Do‘stmatovga qarshi ringga chiqib, uni mag‘lub etgandi.
Ma’lumot uchun, kechki dasturda yana to‘rtta o‘zbekistonlik bokschi yarim jangida ishtirok etadi.
Jang videosini “Daryo”ning Telegram’dagi rasmiy sport kanali — @daryo_sport’da tomosha qilishingiz mumkin.
Izoh (0)