Jizzaxda turkiyalik investorlar tomonidan go‘shtni qayta ishlash majmuasi quriladi. Bu haqda Turkiya—O‘zbekiston Biznes kengashi raisi Izzet Ekmekchibashi “Daryo”ga bergan intervyusida ma’lum qildi.
Hozirda Jizzax viloyatida “O‘zbekoziqovqatxolding” xolding kompaniyasi bilan hamkorlikda go‘shtni qayta ishlashga ixtisoslashtirilgan qo‘shma korxonani tashkil etish ustida ish olib borilmoqda.
Chiqindilarsiz integratsiyalashgan go‘sht zavodi Yevrosiyo mintaqasida birinchi va yagona majmua bo‘lib, Turkiya—O‘zbekiston sarmoyasi bilan birgalikda qurilgan ushbu majmua UZGEN deb nomlanadi va yiliga 30 ming tonna go‘shtni qayta ishlovchi zavod bo‘lishi rejalashtirilgan.Go‘sht va go‘sht mahsulotlarining umumiy eksporti yiliga taxminan 190 million dollarga baholanmoqda. O‘zbekiston go‘sht import qiladigan davlat bo‘lganligi sababli bu eng yaxshi investitsiya loyihalardan biri hisoblanadi.
Loyihaning taxminiy qiymati 74 million dollarni tashkil etadi va uning qaytishi 4,5—5 yilni tashkil etadi. Turkiya Eksimbanki ushbu loyihani amalga oshirish uchun kredit berishi mumkinligini tasdiqladi. Majmua to‘liq quvvat bilan faoliyat boshlasa, 2500 kishining bandligi ta’minlanadi.
Izzet Ekmekchibashi, Turkiya—O‘zbekiston Biznes kengashi raisi
Izoh (0)