Minimalizm, uyg‘un chiziqlar, jalb etuvchi nafosat, “jonli” shakllar, kerakli darajada nozik ranglar va eng muhimi absolyut funksionallik. Ishxona yoki xonadoningizda mebel jihozlarini qo‘yishni rejalashtirishda mayda-chuydalargacha hisobga olish zarur.
Markaz-5 mavzesida xaridorlarga o‘z eshiklarini ochgan yangi DAFNA va AIKO interyer va mebel jihozlari, aksessuarlari shourumida talab va didingizga mos har qanday yechimlarni izlab topishda yordam olishingiz mumkin.
Ochilish marosimi qanday o‘tdi?
Yangi interyer jihozlari shourumining ochilish marosimi nafaqat o‘zining taqdim etilgan buyumlari, balki tashkil etilishi bilan ham barchada birdek yorqin taassurot qoldirdi, desak mubolag‘a bo‘lmaydi. Marosim avvalida tashrif buyuruvchilar uchun mohir aktyorlar jamoasi tomonidan qadimiy afsonalardan parcha qo‘yib berildi. Ko‘tarinkilik ruhi boshlovchi tomonidan yig‘ilganlar e’tibori kompaniya rahbariyatining ramziy tasma kesish marosimiga qaratilishi bilan yanada avjiga chiqdi.
Jarayondan so‘ng mehmonlar bevosita shourumga taklif etilishdi. Jarayonda mebel va interyer, qurilish sohasi vakillari o‘zaro tajriba almashish xususida suhbatlashgan bo‘lsalar, ommaviy axborot vositalari xodimlari kompaniya rahbariyatidan atroflicha ma’lumotlar olish imkoniyatini qo‘lga kiritishdi. Umuman, ushbu kecha o‘zaro samarali tanishuvlarga boy bo‘ldi. Buni xaridorlarning bevosita dizaynerlar bilan fikr almashishga intilishlaridan ham bilish mushkul emas edi.
Ochilishda qatnashgan mehmonlar dasturning keyingi qismida DAFNA kompaniyasi rahbariyatining yaqin hamkorlariga dunyoning istalgan burchagiga sayohat qilish imkonini beruvchi sertifikatlarini topshirishlariga guvoh bo‘ldilar.
Sovrinlar o‘z egalariga topshirilgach, kompaniya rahbariyati kelgusida ushbu shourum negizida kovorking markazi ochilib, dizaynerlar, interyerchilar, loyihalashtiruvchilarning muloqoti, treninglari, xorijiy ekspertlar bilan seminarlar, anjumanlar tashkil qilinishini qo‘shimcha qildi.
Eng ajoyib tomoni, mahalliy va MDH mamlakatlari aholisi uchun internet do‘kon ochilishi haqidagi yangilik bo‘ldi. Mazkur onlayn platforma odatiy do‘konning analogi sanalib, buyurtmachi unda o‘ziga yoqqan mebelni uyida yoki ofisidan turib buyurtma qilishi mumkin. Shuningdek, kelgusidagi rejalar qatorida Qozog‘iston va Moskvadagi shourumlarning ochilishi sanab o‘tildi.
A’lo kayfiyat, kecha dijeylari saralagan tetiklantiruvchi sho‘x musiqa ohanglari jo‘rligida ishtirokchilar maxsus sovrinlarni o‘z ichiga olgan interaktiv o‘yinlarga taklif etilishdi. Birinchi turda ular ovozlarning nimaga bog‘liq ekanligini, ikkinchi turda mashhur televizion dasturlarning nomlarini topishlari zarur edi. Shartlarni to‘g‘ri bajargan qatnashchilar kompaniya tomonidan esdalik buyumlar bilan taqdirlandilar.
Ofis, uy, bank, biznes markazlari uchun mo‘ljallangan 500 dan ortiq modellardagi kreslo, stul, ofis xonalari, uy va ishxona uchun yumshoq mebellar individual dizayn asosida ishlab chiqilgan bo‘lib, bugungi kunda nafaqat O‘zbekiston balki dunyoning aksariyat mamlakatlari bilan hamkorlik qiladigan DAFNA kompaniyasining har bir segment uchun alohida brendlar bilan xususiy ishlab chiqarish asosida taqdim etiladi.
Sifat va uzoq muddatli xizmat qilishiga kafolat beriladi. Mualliflik kreslolarining rang-barang tanlovi esa kundalik bir xil muhitingizga yorqinlik, musaffolik, quvnoq ruh bag‘ishlashi aniq.
Keling, ko‘ring, baho bering, xarid qiling, o‘zingizga yoqqan biror narsa topishingizga shubhamiz yo‘q. Har bir xaridorning istaklariga quloq tutishga tayyor mutaxassislarimiz sizni kutishmoqda.
Manzil: Toshkent shahri, Markaz-5 mavzesi, Sharof Rashidov ko‘chasi, 71-uy.
Mo‘ljal: Germaniya federativ respublikasi elchixonasi qarshisida.
Murojaat uchun telefon:
+998 71 203 11 11
+ 998 99 867 05 88
Reklama huquqi asosida.
Izoh (0)