Минимализм, уйғун чизиқлар, жалб этувчи нафосат, «жонли» шакллар, керакли даражада нозик ранглар ва энг муҳими абсолют функционаллик. Ишхона ёки хонадонингизда мебел жиҳозларини қўйишни режалаштиришда майда-чуйдаларгача ҳисобга олиш зарур.
Марказ-5 мавзесида харидорларга ўз эшикларини очган янги DAFNA ва AIKO интерер ва мебел жиҳозлари, аксессуарлари шоурумида талаб ва дидингизга мос ҳар қандай ечимларни излаб топишда ёрдам олишингиз мумкин.
Очилиш маросими қандай ўтди?
Янги интерер жиҳозлари шоурумининг очилиш маросими нафақат ўзининг тақдим этилган буюмлари, балки ташкил этилиши билан ҳам барчада бирдек ёрқин таассурот қолдирди, десак муболаға бўлмайди. Маросим аввалида ташриф буюрувчилар учун моҳир актёрлар жамоаси томонидан қадимий афсоналардан парча қўйиб берилди. Кўтаринкилик руҳи бошловчи томонидан йиғилганлар эътибори компания раҳбариятининг рамзий тасма кесиш маросимига қаратилиши билан янада авжига чиқди.
Жараёндан сўнг меҳмонлар бевосита шоурумга таклиф этилишди. Жараёнда мебел ва интерер, қурилиш соҳаси вакиллари ўзаро тажриба алмашиш хусусида суҳбатлашган бўлсалар, оммавий ахборот воситалари ходимлари компания раҳбариятидан атрофлича маълумотлар олиш имкониятини қўлга киритишди. Умуман, ушбу кеча ўзаро самарали танишувларга бой бўлди. Буни харидорларнинг бевосита дизайнерлар билан фикр алмашишга интилишларидан ҳам билиш мушкул эмас эди.
Очилишда қатнашган меҳмонлар дастурнинг кейинги қисмида DAFNA компанияси раҳбариятининг яқин ҳамкорларига дунёнинг исталган бурчагига саёҳат қилиш имконини берувчи сертификатларини топширишларига гувоҳ бўлдилар.
Совринлар ўз эгаларига топширилгач, компания раҳбарияти келгусида ушбу шоурум негизида коворкинг маркази очилиб, дизайнерлар, интерерчилар, лойиҳалаштирувчиларнинг мулоқоти, тренинглари, хорижий экспертлар билан семинарлар, анжуманлар ташкил қилинишини қўшимча қилди.
Энг ажойиб томони, маҳаллий ва МДҲ мамлакатлари аҳолиси учун интернет дўкон очилиши ҳақидаги янгилик бўлди. Мазкур онлайн платформа одатий дўконнинг аналоги саналиб, буюртмачи унда ўзига ёққан мебелни уйида ёки офисидан туриб буюртма қилиши мумкин. Шунингдек, келгусидаги режалар қаторида Қозоғистон ва Москвадаги шоурумларнинг очилиши санаб ўтилди.
Аъло кайфият, кеча дижейлари саралаган тетиклантирувчи шўх мусиқа оҳанглари жўрлигида иштирокчилар махсус совринларни ўз ичига олган интерактив ўйинларга таклиф этилишди. Биринчи турда улар овозларнинг нимага боғлиқ эканлигини, иккинчи турда машҳур телевизион дастурларнинг номларини топишлари зарур эди. Шартларни тўғри бажарган қатнашчилар компания томонидан эсдалик буюмлар билан тақдирландилар.
Офис, уй, банк, бизнес марказлари учун мўлжалланган 500 дан ортиқ моделлардаги кресло, стул, офис хоналари, уй ва ишхона учун юмшоқ мебеллар индивидуал дизайн асосида ишлаб чиқилган бўлиб, бугунги кунда нафақат Ўзбекистон балки дунёнинг аксарият мамлакатлари билан ҳамкорлик қиладиган DAFNA компаниясининг ҳар бир сегмент учун алоҳида брендлар билан хусусий ишлаб чиқариш асосида тақдим этилади.
Сифат ва узоқ муддатли хизмат қилишига кафолат берилади. Муаллифлик креслоларининг ранг-баранг танлови эса кундалик бир хил муҳитингизга ёрқинлик, мусаффолик, қувноқ руҳ бағишлаши аниқ.
Келинг, кўринг, баҳо беринг, харид қилинг, ўзингизга ёққан бирор нарса топишингизга шубҳамиз йўқ. Ҳар бир харидорнинг истакларига қулоқ тутишга тайёр мутахассисларимиз сизни кутишмоқда.
Манзил: Тошкент шаҳри, Марказ-5 мавзеси, Шароф Рашидов кўчаси, 71-уй.
Мўлжал: Германия федератив республикаси элчихонаси қаршисида.
Мурожаат учун телефон:
+998 71 203 11 11
+ 998 99 867 05 88
Реклама ҳуқуқи асосида.
Изоҳ (0)