Amerikaning Levi Strauss, Twitter, Uber kabi jami 145 kompaniyasining bosh direktorlari qurolli zo‘ravonlik bilan bog‘liq inqirozni bartaraf etish bo‘yicha choralar ko‘rilishini so‘rab, AQSh Senatiga maktub yo‘lladi, deb xabar beradi “Kommersant”.
Maktub mualliflari hukumatdan o‘qotar qurollarni xarid qilayotganlarning biografik ma’lumotlarini qat’iy tekshirish va sudlarning potensial xavfli hisoblangan odamlardan ularning qurollarini vaqtincha olib qo‘yish imkonini beradigan “qizil bayroqcha” tizimini keng yoyishni so‘ramoqda.
“Qurolli zo‘ravonlik bilan bog‘liq inqiroz borasida hech narsa qilmaslik shunchaki yo‘l qo‘yib bo‘lmaydigan harakat. Qurol xavfsizligi borasida Amerika jamoatchiligini qo‘llab-quvvatlash vaqti keldi”, — deyiladi maktubda.
So‘nggi vaqtlarda jamoatchilik fikrining bosimi ostida ko‘plab kompaniyalar mazkur masalaga nisbatan o‘z munosabatini bildirmoqda. O‘tgan hafta Walmart tarmog‘i tashrif buyuruvchilardan do‘konda ochiq holda qurol olib yurmaslikni so‘ragan, shuningdek, o‘qotar qurollar uchun ayrim turdagi o‘q-dorilar savdosi to‘xtatilganini e’lon qilgan edi.
Eslatib o‘tamiz, avgust oyida AQShning El-Paso shahridagi Walmart savdo markazida sodir bo‘lgan otishma oqibatida 20 kishi halok bo‘lgandi.
Izoh (0)