Prezidentlikka nomzod demokratlar 12-sentabr kuni o‘tkazilgan debatda AQSh qo‘shinlarini Afg‘onistondan chiqarish tarafdori bo‘ldi. Bu haqda “RIA Novosti” xabar bermoqda.
“Biz qurolli kuchlarimizdan harbiy yo‘l bilan yechib bo‘lmaydigan muammolarni hal qilishni talab qilishda davom etolmaymiz, bombalar bilan yechim topolmaymiz”, — degan debatda senator Elizabet Uorren.
“Men Afg‘onistondagi askarlar sonini oshirishga qarshi edim. U yerda qo‘shinlar bo‘lishi kerak emas. Ularni uyga qaytaramiz”, — degan o‘z navbatida so‘rovnoma yetakchisi Jo Bayden. Uning aytishicha, vitse-prezidentlik paytlarida harbiylar bilan bu borada bir necha marta bahslashgan.
Senator Berni Sanders esa barcha 10 nafar prezidentlikka nomzodlar orasidan faqat u Iroq va Afg‘onistondagi urushlarga qarshi ovoz berganini eslatgan. “Dushmanimiz kimligini aniq bilmay turib, 750 milliard dollarni qurollanishga sarflamasligimiz kerak deb o‘ylayman”, — deb ta’kidlagan Sanders.
Indiana shtatidagi Saut-Bend shahri meri Pit Butidjich esa o‘z navbatida Kongressning chet eldagi harbiy harakatlar o‘tkazishga bergan ruxsatini 3 yilgacha cheklashga va’da bergan. Uning so‘zlariga ko‘ra, bu AQSh urushlarining cheksiz davom etmasligini ta’minlashning yagona yo‘li.
Avvalroq, Donald Tramp AQSh va “Tolibon” o‘rtasidagi tinchlik muzokaralari yakunlangani, ularga qarshi yangi zarbalar berishni va’da qilgandi. Bunga “Tolibon” jangarilarining Kobul markazida sodir etgan hujumi sabab bo‘lgan.
AQSh qo‘shinlari 2001-yildan beri Afg‘onistonda. “Tolibon” bilan tinchlik muzokaralari shartiga ko‘ra, AQSh harbiylari Afg‘onistondan asta-sekin chiqib ketishi kerak edi.
Izoh (0)