Oliy Majlisi Qonunchilik palatasi deputati Akmal Umrzoqov Facebook’dagi sahifasi orqali deputatlikka nomzodini qo‘ymoqchi bo‘lgan blogerlarni tanqid qilgani haqida xabar berilgan edi. Deputat o‘z postida blogerlar parlamentni sirkka aylantirib yuborishi mumkinligini ta’kidlagandi.
Adliya vazirligining “Huquqiy axborot” Telegram kanali deputatlik odobi qoidalari haqida ma’lumot berdi.
Qonunchilikda deputatlarning odob qoidalariga qat’iy rioya etishi belgilab qo‘yilgan. Ushbu qoidalar Oliy Majlis Qonunchilik palatasida yoki mahalliy Kengashlarda faoliyat yuritishidan qat’iy nazar, har bir deputatga taalluqli.Ma’lumot uchun, deputat Akmal Umrzoqov ziddiyatli fikrlarini Facebook’dagi sahifasida e’lon qilib, so‘ng o‘chirib tashlaganidan so‘ng na kamsitilgan blogerlardan uzr so‘radi, na jamoatchilikka xatti-harakatlari yuzasidan izoh berdi. Uning ijtimoiy tarmoqlardagi xulq-atvori Oliy Majlis Qonunchilik palatasi tomonidan ko‘rib chiqilganmi yoki yo‘q — bu ham noma’lum.Ushbu qoidalar deputatning o‘z vakolatlarini amalga oshirish chog‘ida majburiy bo‘lgan xulq-atvori, ma’naviy va axloqiy prinsiplarini, shuningdek, xulq-atvor qoidalarini belgilaydi.
Masalan, mahalliy Kengash deputati o‘z maqomidan fuqarolarning, jamiyat va davlatning qonuniy manfaatlariga ziyon yetkazadigan tarzda foydalanishiga yo‘l qo‘yilmaydi.
Xuddi shunday, Oliy Majlis Qonunchilik palatasi deputati ommaviy axborot vositalarida, matbuot konferensiyalarida, boshqa jamoat tadbirlaridagi chiqishlarida, omma oldidagi bayonotlarida davlat organlari va boshqa organlarning, tashkilotlarning, mansabdor shaxslarning va fuqarolarning faoliyatini sharhlaganda o‘z nutqida ularning sha’ni va qadr-qimmatiga putur yetkazadigan qo‘pol, haqoratomuz ibora va so‘zlarni qo‘llashga, asossiz ayblovlarga yo‘l qo‘yishga, bila turib yolg‘on va noto‘g‘ri axborotdan foydalanishga, qonunga xilof xatti-harakatlarga da’vat etishga haqli emas.
Deputatlik odobi buzilgan taqdirda deputatning xulq-atvori to‘g‘risidagi masala Oliy Majlis Qonunchilik palatasi va tegishli xalq deputatlari Kengashi tomonidan ko‘rib chiqiladi.
Akmal Umrzoqov avvalroq Toshkentdagi propiska tartibini yoqlab fikr bildirganida ham tanqid ostida qolgandi. O‘shanda u propiska tartibining bekor qilinishi poytaxtda jinoyatchilik ko‘lamining oshib ketishiga sabab bo‘lishi mumkinligini ta’kidlagan edi.
Izoh (0)