Toshkentda 23-iyul kuni soat 10:00 holatiga ko‘ra havoda mayda PM2,5 dispers zarralarining konsentratsiyasi salkam 6 baravar oshdi.
IQAir portaliga ko‘ra, bu paytda havoda uning konsentratsiyasi JSST tavsiyasidan 5,8 barobar oshgan. Poytaxtning ayrim hududlarida havo sifati ta’sirchan kishilar uchun nosog‘lom darajada bo‘ldi. Toshkent havosining iflosligi bo‘yicha dunyoda 15-o‘ringa chiqdi.
PM2,5 haqida
PM inglizcha Particulate Matter (zarra moddalar) so‘zining qisqartmasi. 2,5 — zarraning maksimal diametrini bildiradi. PM2,5 zarralari shunchalik kichikki, nafas olish orqali to‘g‘ridan to‘g‘ri o‘pka va hatto qon aylanish tizimiga kirib borishi mumkin. Tarkibi qurilish changlari, avtomobil gazlari, metall oksidlar, sulfatlar, nitratlardan iborat bo‘ladi. PM2,5 ayniqsa bolalar, homilador ayollar va keksalar uchun xavfli.
Izoh (0)