UFC yengil vaznida vaqtinchalik chempion Dastin Porye 7-sentabr, shanba oqshomida kechadigan bahsda Habib Nurmagomedovni yengishiga ishonmoqda.
“Salohiyatimga ishonaman va qulay imkoniyat tug‘iladigan bo‘lsa, raqibni taslim qiluvchi usulni ishga solaman. Shuningdek, bardoshim yetishiga ham ishonaman, agar men jang paytida charchab qolsam, demak, Habib ham charchagan bo‘ladi.
Arsenalim to‘la, men kikbokschiman, undan tashqari brazilcha jiu-jitsudan qora belbog‘im bor, grepplingdan ham xabardorman. O‘ylashimcha, odamlar buni unutib qo‘ygan.
Men ter va qon to‘kiladigan joyda 25 daqiqani o‘tkazishga tayyorman, shu bilan birga, uning statistikasiga birinchi mag‘lubiyatni yozib qo‘yishni istayman. Man nima sababdan bu jang men uchun juda muhim.
10 hafta mobaynida American Top Team’da kurashim va mushaklarim chidamliligi borasida ishladik.
Men Habib ustidan nokaut yoki uslub ishlatgan holda muddatidan avval g‘alaba qozonishimga ishonyapman”, — deydi Porye.
Yanada ko‘proq UFC va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)